Launagreining ParX og Vigor Topplaun

Launagreining ParX 2009 er nú að hefjast. Greiningin hefur verið framkvæmd árlega síðan 1979 og snýst hún um það að veita stjórnendum íslenskra fyrirtækja upplýsingar um grunn- og heildarlaun íslenskra launþega, greindar eftir 80 starfsheitum, starfsgreinum, stærð fyrirtækja, aldri, menntun og starfsaldri. Þær upplýsingar sem um ræðir nýtast fyrirtækjum á ýmsa vegu, t.d. í stefnumótandi vinnu og við einstaka launaákvarðanir.

Niðurstöður í ár munu einnig sýna þróun sem orðið hefur á launum íslenskra launþega frá september 2008.

Vigor er í samstarfi við ParX viðskiptaráðgjöf í verkefninu. Samstarf þetta snýst um að auðvelda fyrirtækjum að taka gögn úr kerfum og skila þeim til ParX, en Vigor hefur sett upp skýrslu í Vigor Topplaunum sem keyrir út öll nauðsynleg greiningargögn og geta notendur kerfisins sent skýrsluna með rafrænum hætti til ParX.

Skráning í greininguna stendur nú yfir og fer hún fram á vefsíðu ParX (http://www.parx.is/). Einnig fer skráning fram í gegnum síma (s. 580 4368) og tölvupóst (helgi.thor.sigurdsson@parx.is).

Upplýsingar um skýrsluna veitir Vigor í síma 545 3400.

Til baka